- Информация о материале
- Опубликовано: 21 февраля 2022 21 февраля 2022
- Просмотров: 530 530
Җил болһн мана Хальмг Таңһчд, Лу сарин 21 – д «Тѳрскн келнə ѳдр» темдглгднə. Эн байрин ѳдрлə тадниг йѳрəҗəнəвидн!
Төрскн келн – хальмг әмтнә ик зөөр. Төрскн келндән кен болвчн дурта. Хальмг улс ут тууҗта, эврә уул хальмг келтә. Өдгә цагт хальмг келәр сурһульчнр, студентнр ном дасна. Хальмг келн - мана бахмҗта зөөр, хальмг улсин үндснә темдгтә билг, мана улсин әмн кишг.
ХАЛЬМГ КЕЛН
Кен ахан күндлн келдг,
Кетркә баһчудан тевчн келдг,
Эвтнь тәвәд, еңсгәр келдг
Эйлдг, һольшг хальмг келн.
Холын цууд нернь туурсн,
Хортна өмн хорхан уурсн,
Иньгин зүрк таалулҗ келдг
Иим сәәхн хальмг келн!
Өшәтнә өмнәс тосад зөрүлсн
Өлн җидин үзүр болгсн,
Өрч дотрк зүрк буульсн
Өрүд омгта хальмг келн.
Тосн кевтә илн келдг,
Торһ-томчар кеерүлн келдг,
Усн әдләр уһан келдг
Уул хальмг келн!
Модар цоксн метәр келдг,
Моһа кевтә хатхн келдг,
«Күд чолуг хамхлн» келдг
Күчтә хальмг келн!
Магтад келхләрн – өргәд оркдг,
Мааҗад келхләрн – шавтадг.
Яснла харһсн сумн болсн
Янзта хальмг келн!..
Ирү седкләрн илдкн келдг,
Ичртә йовдлд игзәрләд оддг,
Үкләс әәлго – үнән келдг
Үннч хальмг келн!
Ходрад келхләрн хор буслһам
Ховдг хальмг келн!..
Шүвтрләд келхләрн шүүс дусам
Шүрүтә хальмг келн!..
Хар уснд өрм бәәлһм
Хальмг келм чимгтә,
Хуурмг худлчиг худгт суулһм
Хурц болчкад, омгта…
Аранзал хурдн Зеерд чини
Амһаһан кемләд агсрич,
Хальмг уул келн мини,
Хазаран бичә мөлтлүлич!
Калян С.